“Rhôooooooooo!”

Vous utilisez un AdBlock?! :)

Vous pouvez le désactiver juste pour ce site parce que la pub permet à la presse de vivre.

Et nous, on s'engage à réduire les formats publicitaires ressentis comme intrusifs.

Je veux bien mais j'ai la freebox

Connectez-vous

pour sauvegarder mes filtres et personnaliser mon flux

continuer sa lecture

lire le journal

Découvrez l’offre abonnés numérique > J’en profite

Restauraçiùn d'a Capela de l'Anunçiada

Mis à jour le 24/02/2018 à 05:13 Publié le 24/02/2018 à 05:13
La chapelle de l'Annonciade vers 1965.	(DR)
Soutenez l'info locale et Monaco-Matin

Restauraçiùn d'a Capela de l'Anunçiada

Çentu qarant'ani fà, u dèije de fevrà d'u 1878, è stà celebrà a restauraçiùn d'a capela de l'Anunçiada, ancœi üna d'ë ciû veye capele d'u Principatu.

Çentu qarant'ani fà, u dèije de fevrà d'u 1878, è stà celebrà a restauraçiùn d'a capela de l'Anunçiada, ancœi üna d'ë ciû veye capele d'u Principatu.

« Segundu u parè d'a gente, a so' cunstrüçiùn data d'ün tempu unde Berta firava ». Carche cronista à afirmau che a so' cunstrüçiùn daterëssa d'u 1577 e meme Louis Canis scrivëva ünte « U Nostru Passau » che achësta capela esistëva già ün 1500.

Per dì u veru, a capela de l'Anunçiada nun è tantu veya, è stà sulu ereta a u principi d'u sèculu XVIII. De fati ün achëst'època, l'artista pintre Joseph Bressan, ün d'i frai d'a famiya Bressan pruprietari d'i terrèn d'achëstu qartiè, gh'à avüu a permissiùn d'u Prìncipu Antoni Imu de ghe fà bastì üna capela privà ; Ün 1724 è stà benedia e drüverta a u cültu. Ciû tardi, dopu lunghe lite familiale a capela è scadüa â famiya Bosio.

Dürante a perioda revulüçiunària e tambèn dopu, a capela è stà desertà. Ma ünte l'ûrtimu qartu d'u sèculu XIX, cun l'aumëntu d'a pupülaçiùn d'achëstu nœvu qartiè, ün 1877 s'è decidau de restaurà a capela de l'Anunçiada che apartegnëva alura a Urbain Bosio. Da primu ë messe erun celebrae ünt'a picina capela privà San Giuane-Batista, sitüà ünt'a carada d'u Larvotto, che apartegnëva â famiya Laforest de Minotty.

Ma, a capela de l'Anunçiada era ben tropu picina per assügürà u cültu d'u nœvu qartiè de Munte-Carlu e, ün 1879, u Prìncipu Carlu IIIçu deçidava de fà bastì a gèija San Carlu. Fint'a l'uvertüra a u cültu d'a nœva gèija parruchiala, a capela de l'Anunçiada à serviu cuscì cuma capela de sucursu.

Ün 1942, per làscita, a Müniçipalità de Mùnegu è deventà pruprietari d'a capela. A Meria de Mùnegu à üntaurau nœvi travayi de restauraçiùn ün 1975 e a capela è stà resa a u cültu ün 1980. Cuntinüa sempre a l'üntrategne.

Da l'anu 1950 sun i Ublati de San Francescu de Sales, ün carga d'a parròchia San Carlu, che assügürun ë çeremònie d'a capela de l'Anunçiada. Per tradiçiùn tüt'i ani a diòcesi ghe celebra a sulanità de l'Anunçiaçiùn dürante a Messa presidà da l'arcivëscu o u vicari generale.


commentaires

Les insultes, les attaques personnelles, les agressions n'ont pas leur place dans notre espace de commentaires.
Tout contenu contraire à la loi (incitation à la haine raciale, diffamation...) peut donner suite à des poursuites pénales.