Rubriques




Se connecter à

Çentu çinqantèsimu aniversari d'u stabilì a Mùnegu d'i Frai d'ë Scoere Cristiane (1868-2018)

Çentu çinqant'ani fà, u qatru d'utubre d'u 1868, è stà inaugürà cun sulanità sci'a Roca, Piaça d'a Visitaçiùn, üna scœra per i garçui direta da i Frai d'a Dutrina Cristiana, ciü cunusciüi cun u nume d'i Frai d'ë Scœre Cristiane.

Publié le 15/09/2018 à 05:18, mis à jour le 15/09/2018 à 05:18

Çentu çinqant'ani fà, u qatru d'utubre d'u 1868, è stà inaugürà cun sulanità sci'a Roca, Piaça d'a Visitaçiùn, üna scœra per i garçui direta da i Frai d'a Dutrina Cristiana, ciü cunusciüi cun u nume d'i Frai d'ë Scœre Cristiane.

Già ün 1858, u Prìncipu Carlu III avëva prumülgau, cun l'urdunança suvrana d'u primu d'u mese de San Giuane, i statüti che urganizavun l'ünsegnamëntu primari e segundari d'u Principatu de Mùnegu e ün 1862, avëva cunfiau a ë surele d'ë « Dames de Saint Maur » üna scœra per ë fiye che à fau bastì sci'a Roca tambèn.

Dèij'ani dopu l'inaugüraçiùn, â scœra d'i Frai de Mùnegu-Àutu, gh'erun ciü de çinqe çentu alievi spartii ün nœve classe. Ün 1890, üna segunda scœra d'i frai è stà drüverta a Munte- Carlu, a cantu d'a nœva gèija de San Carlu. Pœi, ün utubre d'u 1897, üna nœva scœra è stà creà â Cundamina, carrùgiu Grimaldi, scœra che è stà despiaçà ün utubre d'u 1907 a u carrùgiu Plati.

 

Ma a crisa d'ë vucaçiue à ubligau a cumünità a lascià de ciü ün ciü u postu a ünsegnanti e edücatui làichi fint'a so' partença definitiva de Mùnegu, u dèije d'u mese de San Giuane d'u 1989.

A scœra San Carlu esiste ancura ma a scœra de Mùnegu-Àutu è stà destrüta ün 2009 per lascià u postu a u nœvu Cunsiyu Naçiunale. U 19 de deçembre d'u 2012 üna lastra cumemurativa d'a presença d'i Frai d'ë Scœre Cristiane è stà pusà sci'a nœva cunstrüçiùn ün presença d'u Prìncipu Albertu II e d'ë ciü àute persunalitae çivile e religiuse.

I Munegaschi gh'an sempre ün cumuvente suvegnì e ün briusu afetu per ë care scœre d'i Frai ; per prova de sta staca, l'Assuçiaçiùn d'i « Ançièn Alievi d'i Frai de Mùnegu » creà ün 1949 che, - segundu u ventu mëte a vëra - à acœyiu pocu fà, ë ançiene alieve d'ë « Dames de Saint-Maur ». Chël'assuçiaçiùn gh'à per ubietivu de mantegne e de desvelupà i principi e i vìnculi d'amicìçia e de sulidarietà nasciüi sciü i banchi d'a scœra.

Offre numérique MM+

...

commentaires

“Rhôooooooooo!”

Vous utilisez un AdBlock?! :)

Vous pouvez le désactiver juste pour ce site parce que la pub permet à la presse de vivre.

Et nous, on s'engage à réduire les formats publicitaires ressentis comme intrusifs.